My siening het nog nie verander nie, maar vandag het ek so bietjie grimmig geraak, en dit nogal twee keer!

Ek had ‘n afspraak maar gee my genoeg tyd om daar te kom. Op ‘n staduim moet ek besluit om die linker- of regterbaan te kies in ‘n stedelike gebied. Goeie burger wat ek is kies ek links, agter ‘n taxi en polisiemotor. Toe die lig groen slaan beweeg die regterbaan en ons begin sluip teen die spoed van tuinslak.  Die taxi het seker probleme daarom dat hy nie beweeg nie. Maar daar is ‘n noodbaan regs, so waarom nie in die noodbaan inbeweeg nie? Halfpad die blok af kry ek ‘n gaping en gaan oor na regs en gaan die taxi verby. Hy gesels te lekker op sy selfoon >:(

Aaa, maar dis nie al nie.

By die volgende verkeerslig stop ek toe weer in die linkerbaan, voor. Toe die lig groen word flits die taxi aan my linkerkant (die noodbaan) verby. Na die kruising gaan hy regs, met ander woorde, voor my in, en so 20 meter aan rem hy skielik voor hy weer links beweeg om ‘n pasasier op te tel. Vir die wat wonder, die polisiemotor was die hele tyd agter my. Maar nou ja, niemand was mos in ‘n ongeluk nie :~(

Na die afspreek kom ek terug en ry vas teen padwerke waar twee bane toegemaak is en almal oor moet gaan na ‘n tydelike baan op die aankomende verkeer se kant. Dit skep natuurlik groot opeenhoping. Nou weet ek uit ondervinding dat taxi’s aan die linkerkant gaan indruk. Na die vorige patale wou ek toe uitwerk wat die persentasie van wetgehoorsame taxi-bestuurders sal wees. Dit is ‘n goeie plek vir navorsing want ek kan al die motors agter my sien vir so 200m. Raai net, 100% van die taxi’s het regs beweeg, verbygery (sommige teen verbysterende spoed) en dan waar die kegels gepak was van links ingedruk. Ja dis reg, 100%. Terloops, het nie een motor dit gedoen nie, ook nie ‘n paar swaarvoertuie wat gestaan en wag het nie. Dit het my ook verbaas.

Ek hou nie daarvan dat mense artikels net knip en plak nie, maar die een sou ek nie self kon skryf nie en het dit interessant gevind. Ek het dit in ons streekskoerant Rekord-noord gekry.

In ‘n poging om die Amerikaanse banke van ondergang te red het die Amerikaanse Senaat ‘n reddingspakket van $700 Miljard aangebied. Om dit meer verstaanbaar te maak beteken dit dat met ‘n wisselkoers van R8,30 teen die dollar dit R5,8 triljoen (‘n triljoen is gelyk aan ‘n miljoen-miljoen m.a.w. R5 800 000 000 000 000 000). Dit is een en ‘n half keer so groot as ons JSE. Vier keer groter as SA se top-5 maatkappye, BHP Billiton, Anglo American, SAB Miller, Sasol en MNT se gesamentlike waarde.

Met die soort geld kan almal in Suid-Afrike (sowat 48 milj. mense) vir 47 jaar elke dag ‘n brood (van R7.00) kry, of elke persoon op die aarde (sowat 6,7 miljard) kan twee brode vir ‘n jaar, elke dag kry.

Indien dit in kontant uitbetaal sou word kan elke Suid-Afrikaner R120 000 ontvang, of elke persoon op die planeet $100.

Dit plaas die rykdom mag van die VSA ‘n bietjie in perspektief, dink ek.

Om sin te maak het ek die volgende besluit. Emigrante kan in drie hoofgroepe gedeel word.

• Ondekkingsreisigers: Dit is mense wat nie omgee wat hulle gaan teekom nie.  Sommige sien uit na swaarkry want hulle besef dit is deel van die opwinding. Die wêreld is hul agterplaas. Sal hulle weggaan? Beslis. Sal hulle terugkom? Nie sommer nie, want as een plek nie werk nie is daar altyd ‘n ander.

• Trekarbeiders: Dit is mense wat sou verkies om te bly maar wat besef dit is beter om weg te gaan. Ter wille van die gesin of lewensgehalte of geld ens. Baie keer is hulle nuwe heenkome so aangenaam dat hulle beluit om dit hul tuiste te maak. Sal hulle terugkom? Sommige wel. Hulle geboorteland bly hul hartland, maar omdat hulle besluit intelektueel gemaak is mag hulle ten spyte van hul verlange tog vasbyt in die nuwe land.

• Vlugtelinge: Dis mense wat glo hulle het nie ‘n keuse nie. Net soos die mense noord van ons wat hierheen stap, ry, swem en vlieg, net so is Afrikaners besig om diselfde te doen. Ons doen dit net met paspoorte en passasiersvliegtuie. Sal hulle terugkom? Waarskynik, as hulle dit kan bekostig, want hulle het nie weggegaan om te bly nie, maak nie saak wat hulle sê nie.

En dit is hierdie laaste groep wat die hele tyd kla en mirmereer. “Die weer is aaklig; Die mense is onvriendelik; Daar is nie geleenthede nie; Ek mis my sport en tradisionele kos; Bla, bla, bla…” Dit is ironies dat die wat die graagste sou wou terugkom, ook die is wat ons die minste wil terug hê, want hulle is negatiewe kla-kouse wat in elk geval nie bereid is om hard te probeer om hulself en hul mense te help nie.

‘n Boer het ‘n leeu wees in die veld gekry en hom toe mak grootgemaak. Eendag gaan haal hy familie wat wou kom kuier, op die dorp want hulle was nog nooit op die plaas nie. Hulle weet ook nie van die leeu nie. By die plaas aangekom wys hy die gaste die opstal en toe hulle om die stoor stap lê sy leeu onder ‘n klein soetdoringboompie en slaap. Hy kry toe stout-inspirasie en wys met sy hand almal moet doodstil staan en hy sluip na sy leeu en gryp hom om die nek.  Die leeu skrik hom byna dood, spring orent en laat spaander die veld in. Die gaste is uit die veld geslaan oor die man se brawe optrede, en hy loop breë-bors daar rond.

Hy wys toe die plaas opstal verder en daarna stap hy by sy agterdeur in die kombuis in. Voor sy oë kan gewoond raak aan aan die donkerte in die kombuis skop hy teen iets en val daaroor. Hier reg voor hom lê sy mak leeu en kou aan ‘n been!

• Die optreder beeld ‘n sekere streotiepe uit. Bv. ‘n rebelse getatoeërde motorfietsryer, of ‘n flambojante diva, of ‘n skatryk sakepersoon ens.
•  vs.  

• Die binnekoms (entrance) bevestig die karakter en skep verwagting met musiek, rook en/of vuurwerke.
•   vs. 

• Hoe mooier en beter gebou en gespierd hoe meer gewild. Met rofstoei is groote ook blykbaar ‘n pluspunt.
•    vs.  
• Daar word gebruik gemaak van bykomstighede. Rofstoeiers gebruik wapens van die een of ander soort, terwyl strippers … wel, nie wapens gebruik nie.
•    vs.

• Jou soepelheid en akrobatiese vernuf tel ook baie om die skare/toeskouers te vermaak.

 vs. 

Ek dink die lys kan nog aangaan, maar vir eers volstaan ek.

Moet nie dink hierdie is suur druiwe nie. Ek gun my familie al die geluk wat hulle te beurt val. Maar is ‘n kar nou so belangrik. Wat van, ‘kyk ek het al werk gekry, of, hier is my huis sonder slot en grendel’. Aan die ander kant mag ‘n foto van ‘n huis sonder veiligheidsheinings, -kameras, toegangsbeheer en tralies my dalk meer ontstig.